Post pridemando inter vacapaj grupoj,
jen estas sep titoloj de regigaj libroj, kiuj estas legendaj kaj studendaj en
la du unuaj jaroj post la baza kurso, aŭ iam ajn, cele al la flueco en Esperanto, kun sekureco, firmeco kaj ĝusteco:
- LA FUNDAMENTO DE ESPERANTO
- Paŝoj al Plena Posedo, de William
Auld
- Elektitaj Fabeloj de Grimm,
traduko de Kabe
- Vojaĝo al Esperantolando, de
Boris Kolker
- Faktoj kaj Fantazioj, de Marjorie
Boulton
- Esprimo de Sentoj en Esperanto,
de Edmond Privat
- La Bona Lingvo, de Claude Piron
Kiuj povos, tiuj legu ilin presitajn,
kun la krajono en la mano. Unu kroma ellernilo estas tio, uzi en parolaj frazoj
la substrekitajn vortojn kaj esprimojn. Nia legado ne estu nur ĝua, sed ĝi estu
ankaŭ analiza, studa, ellerna, do scia kaj scienca.
Por tiuj, kiuj finis la bazan
kurson antaŭ nelonge, ideale estas legi po unu libron monate en la postaj 24
monatoj, inkluzivigante la supre cititajn. Poste ĉiuj ni, kiuj volas profundiĝi
en la lingvon, aŭ fari la bontenadon de sia lingvoakiraĵo, devas daŭre legi
almenaŭ 6 librojn jare dum la tuta vivo. Ĉi-kaze, krom la ĝuado legi, eblaj
helpaj stimuliloj por la ellernado de Esperanto povas esti ĝia uzado en
verkado, redaktado, reviziado, instruado en universitato, parolada agado,
religiaj, sciencaj aŭ filozofiaj predikoj, jutubaj sinprezentadoj, ktp.
Celantajn pli bonan regadon de la lingvo Esperanto, kiujn titolojn vi aldonus al la listo supre montrita?
Celantajn pli bonan regadon de la lingvo Esperanto, kiujn titolojn vi aldonus al la listo supre montrita?
Nenhum comentário:
Postar um comentário